სასწავლო პროექტი

პროექტის  სახელწოდება: როგორ გავხადოთ მათემატიკა ჩვენი ცხოვრების განუყოფელ  ნაწილად.

პროექტის მთავარი იდეა: მოსწავლეთა დაინტერესება ამ  რთული საგნის ღრმად შესწავლით.

პროექტის  აქტუალობა: მათემატიკის ელემენტების ცოდნა აუცილებელია და სავალდებულოა ყველა მოსწავლისთვის, მისი ცოდნა უადვილებს მოსწავლეს სხვა საგნების უკეთ  შესწავლას, შეეძლებათ  მონაწილეობა მიიღონ  ინტელექტუალურ  თამაშებში.

პროექტის მიზნები: ა) რაც შეიძლება მეტი მოსწავლე  ჩაებას მათემატიკის შესწავლაში. ბ) მათემატიკა დავანახოთ ბავშვს ყოველდღიურ  ცხოვრებაში  და  პრაქტიკაში (დავინახოთ  მათემატიკა იქ  სადაც  სხვები  ვერ  ხედავენ) მათემატიკის შესწავლა    გავხადოთ  სახალისო.

მონაწილეთა ასაკი: 12–13 წელი.

ვადები/ხანგრძლივობა: ერთი კვირა.

მოსალოდნელი შედეგები: მოსწავლეებს დაუგროვდათ გარკვეული ცოდნა და  უნარ–ჩვევები, მოსწავლე იყენებს მსჯელობა დასაბუთების ხერხს. განასხვავებს დებულების წანამძღვარს/წანამძღვრებს და დასკვნას; ცვლის დებულების წანამძღვარს  და მსჯელობს დასკვნის მართებულობის შესახებ.

პროექტისათვის საჭირო ძირითადი რესურსი: სამუშაო რვეული, საწერი საშუალება, ფერადი ფურცლები, მარკერები, კომპიუტერი, პროექტორი, დაფა, ცარცი...

პროექტის  მსვლელობა:   
აქტივობა: 1 კლასს  ვყოფ 2 ჯგუფებად. თითოეულ ჯგუფს ვაძლევ დავალებას ერთმა ჯგუფმა ჩაატაროს გამოკითხვა თავის კლასში,ხოლო მეორე  ჯგუფმა სკოლაში მეცნიერების რა ნაწილს აირჩევდნენ  თუ სატელევიზიო გადაცემა ,,ეტალონში“  მიიღებდნენ  მონაწილეობას.

აქტივობა 2: მოსწავლეები აწარმოებენ გამოკითხვას 

აქტივობა 3: ვამოწმებ ინფორმაციას  და ვაძლევ მითითებას იმ მასალების შესახებ რომლის გამოყენებაც სასურველია გადაცემის დროს – კითხვები შესაბამისი  პასუხების მითითებით, რომელთაგან ერთი სწორია, დანარჩენები –არასწორი, ან კითხვები, რომლებზეც სწრაფად შეიძლება გაეცეს  პასუხი.

აქტივობა 4:  ჯგუფებმა მოამზადეს პროექტის მიმდინარეობა და შედეგები.

აქტივობა 5: ჩავატარე მათემატიკური შეჯიბრება კლასის ორ ჯგუფს შორის გამარჯვებულის გამოსავლენად ამ ჯგუფების მიერ შერჩეული მასალის მიხედვით.  

ეროვნულ  სასწავლო გეგმასთან კავშირი: 

მათემატიკა VIII. 3. მოსწავლე იყენებს მსჯელობა–დასაბუთების ზოგიერთ ხერხს. 

• განასხვავებს დებულების წანამძღვარს/წანამძღვრებს და დასკვნას; ცვლის დებულების წანამძღვარს  და მსჯელობს დასკვნის მართებულობის შესახებ.

პროექტის ხელმძღვანელი: მაკა ჯაველიძე.

 ხელმძღვანელის ელ.ფოსტა: makajavelidze@gmail.com